महाराष्ट्र बातम्या

३ जून २०२५ पासून काही जुन्या Amazon Fire TV उपकरणांवर नेटफ्लिक्सची सेवा बंद होणार आहे. यात पहिल्या पिढीतील Fire TV बॉक्स, Fire TV Stick आणि Alexa व्हॉइस रिमोटसहचा Fire TV Stick यांचा समावेश आहे.

अरबी समुद्रात निर्माण झालेल्या कमी दाबाच्या क्षेत्रामुळे कोकण किनारपट्टीवर पुन्हा पावसाचा इशारा देण्यात आला आहे. रायगड, रत्नागिरी, सिंधुदुर्ग आणि पालघर जिल्ह्यांसाठी ऑरेंज अलर्ट जारी असून, मुंबईसह कोकणात मुसळधार पावसाची शक्यता आहे.

कोल्हापुरात मुसळधार पावसामुळे पंचगंगा नदी धोक्याच्या पातळीजवळ पोहोचली आहे. राजाराम बंधाऱ्यावर नदीची पातळी ४२.२ फूट इतकी नोंदवण्यात आली असून, ८१ बंधारे पाण्याखाली गेले आहेत.

पुण्यातील वैष्णवी हगवणे मृत्यू प्रकरणात तिच्या मोठ्या जाऊ मयुरी हगवणे हिच्या आईने, लता जगताप यांनी, महाराष्ट्र राज्य महिला आयोगाला पाठवलेल्या पत्रात हगवणे कुटुंबावर गंभीर आरोप केले होते.

भारतीय डाकसेवेने माथेरानसारख्या दुर्गम डोंगराळ भागात ड्रोनद्वारे पार्सल पोहोचवण्याचा यशस्वी प्रयोग केला आहे. यामुळे पारंपरिक वाहतुकीच्या तुलनेत वेळेची मोठी बचत होणार आहे.

वैष्णवी हगवणे प्रकरणात तिच्या वडिलांनी पुणे बार असोसिएशनला पत्र लिहून आरोपी कुटुंबियांसाठी कोणताही वकील काम करू नये अशी विनंती केली आहे. पत्रात त्यांनी मुलीच्या मृत्यूनंतरच्या वेदना आणि हुंडाबळीविरोधातील भूमिका मांडली आहे.

पुण्यातील वैष्णवी हगवणे हुंडाबळी प्रकरणात आरोपींना पाच दिवसांची पोलीस कोठडी सुनावण्यात आली आहे. भाजप महिला आघाडीने कोर्टाबाहेर निषेध व्यक्त केला असून आरोपींवर टोमॅटो फेकण्याचा प्रयत्न केला. राजकीय पक्षांनीही या प्रकरणी कठोर भूमिका घेतली आहे.

संभाजी भिडे यांनी ६ जून रोजी साजरा होणारा शिवराज्याभिषेक सोहळा बंद करण्याची मागणी केली आहे. त्यांच्या मते हा सोहळा राजकारणासाठी वापरला जात असून महाराजांचा राज्याभिषेक तिथीनुसार साजरा केला पाहिजे. यावरून राजकीय नेत्यांमध्ये वाद निर्माण झाला आहे.

पुण्यातील बावधनमध्ये २४ वर्षीय वैष्णवी हगवणेचा संशयास्पद मृत्यू झाला. सुरुवातीला आत्महत्या वाटणाऱ्या या प्रकरणात हुंड्यासाठी हत्या झाल्याचा संशय आहे. पतीसह सासू, नणंदेला अटक, सासरे आणि दीर फरार.

वैष्णवीच्या आत्महत्येप्रकरणात दररोज नवे खुलासे होताना दिसून येत आहेत. अशातच फरार सासरे आणि दिराला अखेर अटक करण्यात आली आहे. यावरच आता वैष्णवीच्या पालकांनी प्रतिक्रिया दिली आहे.