पंतप्रधान नरेंद्र मोदी यांचे विमान अहमदाबाद विमानतळावर उतरले आहे. आज मोदी घटनास्थळाला भेट देणार आहेत. तसेच रुग्णालयात जाऊन जखमींची विचारपुस करणार आहेत. या अपघातात गुजराचे माजी मुख्यमंत्री विजय रुपानी यांचाही मृत्यू झाला आहे. पंतप्रधान मोदी त्यांच्या घरी जाऊन त्यांच्या कुटुंबीयांची भेट घेणार असल्याचे समजते. गुजरातमधील सरदार वल्लभभाई पटेल आंतरराष्ट्रीय विमानतळाजवळ गुरुवारी घडलेल्या एअर इंडिया विमान अपघातात एक हृदयद्रावक घटना घडली. बोईंग ७८७-८ ड्रीमलाइनर, एअर इंडिया फ्लाइट १७१ या प्रवासी विमानाचा थेट धडक होऊन अपघात झाला. या भीषण दुर्घटनेत एकूण २४१ जणांचा मृत्यू झाला असून, त्यात १२ केबिन क्रू सदस्यांचाही समावेश आहे. ही घटना गुरुवारी सकाळी घडली, जेव्हा लंडन गॅटविककडे जाणारे हे विमान अहमदाबाद विमानतळावरून उड्डाण करत असतानाच काही मिनिटांत रेसिडेंट डॉक्टर्सच्या हॉस्टेल इमारतीवर आदळले. ही धडक इतकी जबरदस्त होती की संपूर्ण विमान नष्ट झाले आणि इमारतीचेही मोठ्या प्रमाणावर नुकसान झाले.
