vivek panmand

भारतीय जनता पक्षाने महाराष्ट्रात ८१ नव्या जिल्हाध्यक्षांची घोषणा करत संघटनात्मक बदल केले आहेत. यात शिरीष बोराळकर यांची छत्रपती संभाजीनगर जिल्हाध्यक्षपदी निवड झाली असून, मुंबईत अ‍ॅड. आशिष शेलार यांची भूमिका महत्त्वाची राहणार आहे.

राष्ट्रवादी काँग्रेस पक्षाचे अध्यक्ष शरद पवार यांच्या नावावर मुंबईच्या वानखेडे स्टेडियममधील एका स्टँडचे उद्घाटन करण्यात आले. भारतीय आणि आंतरराष्ट्रीय क्रिकेट प्रशासनातील त्यांच्या दीर्घकाळच्या योगदानाबद्दल त्यांना हा सन्मान देण्यात आला आहे. 

नीरज चोप्रा यांनी दोहा डायमंड लीगमध्ये ९०.२३ मीटर भालाफेक करून इतिहास रचला आहे. भारताकडून ९० मीटरचा टप्पा गाठणारे ते पहिले अ‍ॅथलीट ठरले आहेत. या कामगिरीमुळे त्यांनी राष्ट्रीय विक्रमही मोडला आहे. 

छगन भुजबळ यांनी १९९१ साली शिवसेना सोडण्यामागच्या खऱ्या कारणाचा खुलासा केला आहे. धर्माच्या नावाखालील राजकारण आणि अल्पसंख्याकांबाबतचा दृष्टिकोन यामुळे त्यांना पक्ष सोडावा लागला, असे ते म्हणाले. 

सुप्रीम कोर्टाच्या निर्देशानंतर मुंबई उच्च न्यायालयाने मराठा आरक्षणाच्या वैधतेविरोधातील याचिकांवर सुनावणीसाठी तीन न्यायाधीशांचे विशेष खंडपीठ स्थापन केले आहे. 

टीव्ही अभिनेत्री निमरत कौर अहलुवालियाने सर्वोच्च न्यायालयात एका वरिष्ठ वकिलाने तिचा लैंगिक छळ केल्याचा धक्कादायक खुलासा केला आहे. तिच्या म्हणण्यानुसार, ती कॉलेजच्या तिसऱ्या वर्षात असताना हे घडले.