बायकोचे अनैतिक संबंध असल्याच्या संशयातून भारतीय लष्कराच्या जवानाने उचलले टोकाचे पाऊल

धुळ्यात एका लष्करी जवानाने पत्नीच्या कथित अनैतिक संबंधांच्या संशयावरून गळा दाबून खून केला. या घटनेमुळे सैनिकांच्या मानसिक आरोग्याबाबत प्रश्न उपस्थित झाले आहेत.

Image Credit: social media

धुळे - देशाच्या सीमांवर शत्रूंशी लढणारा एक सैनिक… पण स्वतःच्या घरात मात्र त्याने पत्नीसोबतच 'शेवटची लढाई' अमानवी पद्धतीनं लढल्याचे दिसून आलं आहे. धुळे जिल्ह्यात घडलेल्या या हृदयद्रावक घटनेने सर्वत्र खळबळ उडवली आहे.

धुळे जिल्ह्यातील एका लष्करी जवानाने पत्नीच्या कथित परपुरुषासोबत संबंध असल्याच्या संशयातून तिला गळा दाबून ठार केल्याची माहिती पोलिसांनी दिली. विवाहबाह्य संबंधांची कुणकुण लागल्यानंतर आपले मानसिक संतुलन गमावलेल्या जवानाने हा टोकाचा निर्णय घेतल्याचे समोर आले आहे.

या जवानाने देशासाठी शस्त्र हातात घेतलं होतं, पण संशयाच्या विळख्यात अडकून त्याने प्रेम, संयम आणि समजूतदारपणाचा मार्ग सोडून हिंसेचा घातक निर्णय घेतला. त्याच्या हातून घडलेली ही घटना केवळ एक कौटुंबिक हत्याकांड नाही, तर ती मानसिक आरोग्य, संवाद आणि संवेदनशीलतेच्या अभावाचं भयावह चित्रही आहे.

या घटनेनंतर सैनिकी सेवेत असलेल्या जवानांच्या मानसिक आरोग्याबाबत नव्याने प्रश्न उपस्थित होतो आहे. कठोर शिस्त आणि तणावपूर्ण जीवनशैली असलेल्यांना 'भावनिक हलकल्लोळ' सहन करणं कठीण जातं. संशयाचे विष आणि संवादाचा अभाव असेल, तर त्याचा शेवट किती भीषण असू शकतो, याचं हे जिवंत उदाहरण ठरत आहे.