Follow Us;Resize=(820,462) "Vat Savitri Vrat")
Vat Savitri Vrat 2025 : दरवर्षी ज्येष्ठ महिन्याच्या अमावास्येला वट सावित्री व्रत केले जाते. यंदा ज्येष्ठ अमावास्या २ दिवस राहणार आहे. जाणून घेऊया वट सावित्रीच्या व्रताची तारीख…
Vat Savitri Vrat 2025 : धर्मग्रंथांनुसार, ज्येष्ठ महिन्याची अमावास्या खूप खास असते कारण या दिवशी वट सावित्री व्रत केले जाते. अशी मान्यता आहे की वट सावित्री व्रत केल्याने सौभाग्य अखंड राहते, पतीचे आयुष्य वाढते आणि घरात सुख-समृद्धी टिकून राहते. म्हणूनच महिला हे व्रत खूप श्रद्धा आणि विश्वासाने करतात. २०२५ मध्ये ज्येष्ठ अमावास्या २ दिवस राहणार आहे, ज्यामुळे लोकांच्या मनात या व्रताबाबत संभ्रम निर्माण झाला आहे. उज्जैनचे ज्योतिषाचार्य पं. प्रवीण द्विवेदी यांच्याकडून जाणून घ्या २०२५ मध्ये केव्हा करायचं वट सावित्री व्रत…
केव्हापासून केव्हापर्यंत राहील ज्येष्ठ अमावास्या?
पंचांगानुसार, ज्येष्ठ अमावास्या 26 मे, सोमवार रोजी दुपारी 12 वाजून 12 मिनिटांनी सुरू होईल आणि 27 मे, मंगळवार रोजी सकाळी 8 वाजून 32 मिनिटांपर्यंत राहील. अशा प्रकारे २ दिवस ज्येष्ठ अमावास्याचा योग जुळून येत आहे. म्हणूनच लोकांच्या मनात वट सावित्रीचे व्रत केव्हा करायचे हा संभ्रम आहे.
केव्हा करायचं वट सावित्री व्रत 2025?
उज्जैनचे ज्योतिषाचार्य पं. प्रवीण द्विवेदी यांच्या मते, वट सावित्री व्रताची पूजा दुपारी केली जाते आणि ही स्थिती २६ मे, सोमवार रोजी जुळून येत असल्याने, वट सावित्रीचे व्रत २६ मे, सोमवार रोजीच केले जाईल. या दिवशी श्राद्धाची अमावास्याही मानली जाईल.
Related Articles
का करतात वट सावित्री व्रत?
धर्मग्रंथांनुसार, भद्र देशावर राजा अश्वपती खूप पराक्रमी होते. त्यांना एकुलती एक मुलगी होती, जिचे नाव सावित्री होते. सावित्रीचा विवाह राजा द्युमत्सेनचा मुलगा सत्यवानशी झाला, पण शत्रूंकडून मिळालेल्या पराभवामुळे ते आपल्या कुटुंबासह जंगलात राहू लागले. नारदमुनींनी सावित्रीला आधीच सांगितले होते की सत्यवानाचे आयुष्य कमी आहे. जेव्हा सत्यवानाच्या मृत्यूची वेळ आली तेव्हा सावित्रीही त्याच्यासोबत जंगलात गेली. तिथे जशी सत्यवानाची मृत्यु झाली तशी यमराज सत्यवानाचे प्राण त्याच्या शरीरातून काढून नेऊ लागले. हे पाहून सावित्रीही त्यांच्या मागेमागे जाऊ लागली. थकून भागून यमराजाने सावित्रीला अनेक वरदान दिले आणि सत्यवानाचे प्राणही सोडावे लागले. तो दिवस ज्येष्ठ अमावास्येचा होता, तेव्हापासून या तिथीला वट सावित्री व्रत केले जाते.
(DISCLAIMER : लेखाद्वारे वाचकांपर्यंत केवळ माहिती पोहोचवण्याचा प्रयत्न करत आहोत. याबाबत Asianet News Marathi कोणताही दावा व समर्थन करत नाही. यासाठी संबंधित क्षेत्रातील तज्ज्ञांचा सल्ला घ्यावा.)
