जिहादी विचाराने प्रभावित तरुणाकडून आई-वडिलांची हत्या, मदरशातील लोकांवरही कुऱ्हाडीने वार

Crime News :  बंगालमध्ये एका युवकाने जिहादी विचारांच्या प्रभावाखाली आईवडिलांची हत्या केली आणि नंतर मदरश्यात चार जणांवर हल्ला केला. आरोपीला अटक करण्यात आली असून पोलिस त्याच्या दहशतवादी संबंधांचा तपास करत आहेत.

Crime News :  बंगालच्या पूर्व बर्धमान जिल्ह्यातून एक धक्कादायक घटना समोर आली आहे. इथे एका युवकाने जिहादी विचारांमुळे आईवडिलांचे गळे कापून हत्या केली. त्यानंतर तो सुमारे १३० किलोमीटर दूर बनगाव येथील एका मदरश्यात गेला आणि तिथे कुऱ्हाड आणि चाकूने चार जणांवर हल्ला करून त्यांना गंभीर जखमी केले.

पोलिसांनी आरोपीला केली अटक

पोलिसांनी आरोपीला अटक केली आहे. त्यांना शंका आहे की तो बांगलादेशला पळून जाण्याचा प्रयत्न करत होता, कारण बनगाव बांगलादेशच्या सीमेजवळ आहे. आरोपीने मदरश्यातील शिक्षक आणि कर्मचाऱ्यांवरही हल्ला केला कारण त्यांनी इस्लाम आणि जिहादशी संबंधित त्याच्या प्रश्नांची उत्तरे देण्यास नकार दिला होता.

नोएडामध्ये काम करून आलेला आरोपी

आरोपी हुमायूंला तीन दिवसांची पोलीस कोठडी सुनावण्यात आली आहे जेणेकरून त्याच्या दहशतवादी नेटवर्क किंवा कट्टरपंथी संघटनांशी असलेल्या संबंधांचा तपास करता येईल. आरोपी हा एक प्रशिक्षित अभियंता आहे, जो दिल्ली आणि नोएडामध्ये काम करून आला आहे. तपासात असे समोर आले की हत्येत वापरलेला चाकू ई-कॉमर्सवरून खरेदी केला होता. पोलिसांनी सांगितले की हुमायूंची नोकरी पाच महिन्यांपूर्वी गेली होती आणि एक वर्षापूर्वी त्याचा घटस्फोट झाला होता. त्यानंतर तो नैराश्यात गेला आणि इंटरनेटवर जिहादी कंटेंट पाहू लागला.