Rameshwar Gavhane

भारतीय सेनाध्यक्ष जनरल उपेंद्र द्विवेदी यांनी फ्रान्समधील फ्रेंच आर्मीच्या तिसऱ्या डिव्हिजनला भेट दिली. यावेळी त्यांना भारत आणि फ्रान्समधील संयुक्त प्रशिक्षण योजनांबद्दल माहिती देण्यात आली. फ्रान्समध्ये होणाऱ्या 'शक्ती' सरावाचाही समावेश आहे.

संतोष देशमुख हत्या प्रकरणात महाराष्ट्र सरकारने ज्येष्ठ वकील उज्ज्वल निकम यांची विशेष सरकारी वकील म्हणून नियुक्ती केली. त्यांच्यासोबत बालासाहेब कोल्हे यांची सहाय्यक सरकारी वकील म्हणून नियुक्ती केली. मुख्यमंत्री या प्रकरणावर बारकाईने लक्ष ठेवून आहेत.

महाकुंभ २०२५ च्या शेवटच्या अमृत स्नानानंतर प्रयागराजहून भाविकांना परतीच्या प्रवासासाठी सोयीस्कर करण्यासाठी भारतीय रेल्वेने ३५० हून अधिक अतिरिक्त गाड्या चालवण्याचे नियोजन केले आहे. उत्तर प्रदेश, बिहार, मध्य प्रदेश, झारखंड भाविकांची गर्दी संगमावर जमली.

CBSE ने नवीन नियम लागू केले. ज्यामुळे संलग्न शाळांना बालवाटिका ते पाचवीपर्यंतच्या प्राथमिक स्तरावरील शिक्षणासाठी "शाखा शाळा" स्थापन करण्याची परवानगी मिळेल. या शाखा शाळा स्वतंत्र पायाभूत सुविधा, शिक्षक आणि कर्मचारीवर्गांसह चालवल्या जातील.