या 12 देशांमधील नागरिकांवर अमेरिकेत जाण्यावर बंदी, जाणून घ्या या देशांची यादी

यापूर्वीच्या कार्यकाळातही डोनाल्ड ट्रम्प सत्तेत असताना त्यांनी अशीच बंदी घातली होती. तिला माजी राष्ट्राध्यक्ष जो बायडेन यांनी रद्द केले होते. आता पुन्हा एकदा असाच निर्णय घेण्यात आल्याने जगभरात त्यावर संताप व्यक्त करण्यात येत आहे.

वॉशिंग्टन : राष्ट्रीय सुरक्षिततेचे कारण समोर ठेवत अमेरिकेने एकूण १२ देशांच्या नागरिकांवर अमेरिकेत प्रवेश करण्यावर बंदी घातली आहे. यापूर्वीच्या कार्यकाळातही अमेरिकेचे राष्ट्राध्यक्ष डोनाल्ड ट्रम्प सत्तेत असताना त्यांनी अशीच बंदी घातली होती. तिला माजी राष्ट्राध्यक्ष जो बायडेन यांनी रद्द केले होते. आता पुन्हा एकदा असाच निर्णय घेण्यात आल्याने जगभरात त्यावर संताप व्यक्त करण्यात येत आहे.

 अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी सुरक्षा संबंधी जोखिम पाहता १२ देशांतील लोकांच्या अमेरिकेतील प्रवेश करण्यावर बंदी घातली आहे. ट्रम्प यांनी बुधवारी संध्याकाळी यासंदर्भातील घोषणेवर सही केली.

या देशांच्या लोकांवर पूर्ण बंदी

1-अफगाणिस्तान

2- म्यानमार (बर्मा)

3- चाड

4- कांगो गणराज्य

5- इक्वेटोरियल गिनी

6- इरिट्रिया

7- हैती

8- इराण

9- लिबिया

10- सोमालिया

11- सुदान

12- यमन

या ७ देशांच्या लोकांवर मर्यादित बंदी

1- बुरुंडी

2- क्युबा

3- ​​लाओस

4- सिएरा लिओन

5- टोगो

6- तुर्कमेनिस्तान

7- व्हेनेझुएला

या घोषणेत काही अपवाद ठेवण्यात आले आहेत. वैध स्थायी रहिवासी, सध्याचे व्हिसाधारक, काही व्हिसा श्रेणी आणि असे लोक अमेरिकेत जाऊ शकतात ज्यांचा प्रवेश अमेरिकन राष्ट्रीय हितांशी संबंधित आहे.

डोनाल्ड ट्रम्प यांनी अमेरिकेत येण्यावर बंदी का घातली?

इस्रायल समर्थक गटावर कोलोराडोमध्ये झालेल्या हल्ल्यानंतर डोनाल्ड ट्रम्प यांनी १२ देशांतील लोकांच्या अमेरिका प्रवेशावर बंदी घालण्याचा निर्णय घेतला. त्यांनी यामागचे कारण राष्ट्रीय सुरक्षा असल्याचे सांगितले आहे. कोलोराडोच्या बोल्डरमध्ये यहुदीविरोधी हल्ला झाला होता. ट्रम्प अशा प्रकारची बंदी घालण्यासाठी आधीपासूनच आग्रही होते. त्यांनी निवडणुकीदरम्यान यासंदर्भात वचनही दिले होते.

बंदी घालण्यामागील खास कारणांमध्ये अफगाणिस्तानात तालिबानचे नियंत्रण, इराण आणि क्युबातील राज्य प्रायोजित दहशतवाद आणि चाड आणि इरिट्रियासारख्या देशांमधून व्हिसा कालावधीपेक्षा जास्त काळ राहणाऱ्यांचे उच्च प्रमाण यांचा समावेश होता. चाडमध्ये B1/B2 व्हिसाधारकांचा ओव्हरस्टे दर ४९.५४ टक्के होता. इरिट्रियामध्ये F, M आणि J व्हिसाधारकांमधील ओव्हरस्टे दर ५५.४३ टक्के होता.

राष्ट्राध्यक्ष ट्रम्प म्हणाले, "आम्ही प्रवास बंदी पुन्हा लागू करू. काही लोक याला ट्रम्प प्रवास बंदी म्हणतात. आम्ही कट्टर इस्लामी दहशतवाद्यांना आमच्या देशापासून दूर ठेवू."

पहिल्या कार्यकाळात ट्रम्प यांनी जानेवारी २०१७ मध्ये इराक, सीरिया, इराण, सुदान, लिबिया, सोमालिया आणि यमन येथील नागरिकांच्या अमेरिका प्रवासावर बंदी घातली होती. माजी राष्ट्राध्यक्ष जो बायडेन यांनी २०२१ मध्ये ते धोरण रद्द केले होते.