सर्वांच्या लाडक्या Trump तात्यांना मिळणार Boeing 747 विमान गिफ्ट, वाचा कोण करणार ९३० कोटी खर्च

15

कतार राजघराण्याकडून ट्रम्प यांना लक्झरी बोईंग ७४७-८ विमान भेट म्हणून देण्यात येणार असल्याची माहिती आहे. अमेरिकन अधिकारी हे विमान तात्पुरते ‘एअर फोर्स वन’ म्हणून वापरण्याची शक्यता आहे. आंतरराष्ट्रीय मीडिया रिपोर्ट्सनुसार, ट्रम्प हे विमान त्यांचा कार्यकाळ संपण्याच्या २०२९ च्या जानेवारीपर्यंत वापरतील आणि त्यानंतर ते त्यांच्या प्रेसिडेंशिअल लायब्ररी फाउंडेशनला देतील.

25

या दौऱ्यात ट्रम्प कतारसह सौदी अरेबिया, युनायटेड अरब अमिराती या देशांनाही भेट देणार आहेत. कतार दौऱ्यादरम्यान या भेटीची अधिकृत घोषणा होण्याची शक्यता आहे. 

कायदेशीररित्या समर्थन करण्यास सरकार सज्ज:

परदेशी देशाकडून भव्य भेट घेण्यावर आक्षेप येतील याची कल्पना ट्रम्प सरकारला होती, त्यामुळे त्यांनी हे कायदेशीर असल्याचे स्पष्ट करणारे कायदेशीर विश्लेषण तयार केले आहे. अमेरिकन राज्यघटनेतील एमोल्युमेंट्स क्लॉजनुसार, परदेशी राजे किंवा सरकारांकडून भेटवस्तू घेण्यासाठी काँग्रेसची परवानगी आवश्यक आहे.

35

सुरक्षेतील बदलांसह एअर फोर्स वन मध्ये बदल:

ट्रम्प हे कतारचे विमान अध्यक्ष म्हणून प्रवास करण्यासाठी योग्य बनवण्याचा विचार करत आहेत. यात सुरक्षा दळणवळण व्यवस्था, गुप्त तंत्रज्ञान जोडण्यात येणार असल्याची माहिती आहे. मात्र, हे सध्याच्या ‘एअर फोर्स वन’ विमानांच्या दर्जाचे नसेल, असे अधिकारी सांगतात. सध्याच्या विमानांमध्ये अणुसंरक्षण, क्षेपणास्त्र प्रतिबंधक तंत्रज्ञान यासारख्या अत्याधुनिक सुविधा आहेत.

45

बोईंग विमानांचा पुरवठा उशिरा:

सध्याचे एअर फोर्स वन (VC-25A) ३० वर्षांहून अधिक जुने आहे. नवीन येणारी दोन VC-25B विमाने तयार होण्यास उशीर झाल्याने त्यांचा पुरवठा २०२७, २०२८ पर्यंत लांबला आहे. त्यामुळे ट्रम्प हे कतारचे विमान तात्पुरते वापरणार आहेत.

55

व्यवसायिक फायद्यांवर टीका:

ट्रम्प कुटुंब मध्यपूर्वेत मोठ्या प्रमाणात व्यवसायात उतरले आहे. कतारमधील लक्झरी गोल्फ रिसॉर्टच्या बांधकामासाठी कतार सरकारच्या Qatari Diar या कंपनीसोबत करारही केला आहे. त्याचवेळी कतारसोबतचे राजकीय संबंध दृढ होणे टीकेला कारणीभूत ठरत आहे.

मात्र, ट्रम्प यांचे समर्थक यावर काळजी करण्याची गरज नाही, असे म्हणतात. व्यवसाय त्यांच्या मुलांच्या देखरेखीखाली चालत असून, परदेशी सरकारांशी थेट करार ही कंपनी करत नाही, असे ते सांगतात. मात्र खाजगी कंपन्यांशी करार करण्यास परवानगी आहे, असे स्वतः कंपनीने म्हटले आहे. 

व्हाइट हाऊसची प्रतिक्रिया:

या टीकेवर प्रतिक्रिया देताना व्हाइट हाऊसच्या प्रेस सेक्रेटरी कॅरोलिन लेविट म्हणाल्या, “अध्यक्ष स्वतःला फायदा होईल असे काही करत आहेत असे समजणे निरर्थक आहे.”