आधार कार्डवर किती सिम कार्ड आहेत ते कसे पाहाल?

सार

आधार कार्डचा सिम कार्डसाठी वापर : स्मार्टफोनद्वारे फोन करणे किंवा पेमेंट करणे यासारख्या महत्त्वाच्या कामांसाठी आपण भारतीय टेलिकॉम कंपन्यांच्या सिम कार्डचा वापर करतो. पण सिम खरेदी करण्यासाठी तुम्हाला ओळखपत्र दाखवावे लागते.

नवीन सिम कार्ड खरेदीसाठी आधार कार्डचा वापर करणे सामान्य आहे. कधीकधी एका व्यक्तीला एकापेक्षा जास्त सिम कार्डची गरज असते.

एका आधार कार्डवर एकापेक्षा जास्त सिम कार्ड खरेदी करता येतात. दूरसंचार विभागाच्या नियमानुसार, एका आधार कार्डवर जास्तीत जास्त नऊ सिम कार्ड वापरता येतात. पण तुम्हाला माहिती आहे का, तुमच्या आधार कार्डवर दुसरी व्यक्तीही सिम कार्ड वापरू शकते? 

फसवणुकीच्या घटनांमध्ये दूरसंचार विभागाचे नवीन पोर्टल तुमची मदत करू शकते. या पोर्टलद्वारे तुमच्या आधार कार्डवर किती सिम कार्ड नोंदणीकृत आहेत ते तुम्ही पाहू शकता. ही सोपी ट्रिक पाहूया....

आधार कार्डवर किती सिम कार्ड नोंदणीकृत आहेत ते कसे पाहाल-

• प्रथम दूरसंचार विभागाच्या tafcop.sancharsaathi.gov.in या वेबसाइटला भेट द्या.
• 'टेलिकॉम युजर' विभागात 'आधार कार्डशी जोडलेले मोबाइल नंबर' हा पर्याय दिसेल.
• यावर क्लिक केल्यानंतर एक फॉर्म दिसेल. त्यात आधार कार्ड क्रमांक आणि कॅप्चा कोड भरा.
• फॉर्म भरल्यानंतर 'सबमिट' करा.
• काही वेळात एक पेज दिसेल ज्यात तुमच्या आधार कार्डवर नोंदणीकृत सिम कार्डची यादी असेल.

UIDAI च्या ऑनलाइन पोर्टलद्वारे असे तपासा-

• UIDAI च्या अधिकृत वेबसाइट uidai.gov.in ला भेट द्या.
• 'माझे आधार' विभागात क्लिक करा.
• 'आधार डाउनलोड करा' आणि नंतर 'अधिक पहा' वर क्लिक करा.
• आधार सेवा अंतर्गत 'मोबाइल नंबर प्रमाणीकरण इतिहास' निवडा.
• 'आधार प्रमाणीकरण इतिहास' वर क्लिक करा.
• आधार क्रमांक आणि कॅप्चा कोड भरून 'OTP पाठवा' वर क्लिक करा.
• नोंदणीकृत मोबाइलवर आलेला OTP भरा.
• लॉग इन झाल्यावर 'आधारशी जोडलेले मोबाइल नंबर पहा' हा पर्याय दिसेल. यावर क्लिक केल्यावर आधार कार्डवर किती सिम कार्ड नोंदणीकृत आहेत ते दिसेल.