Follow Us "Asianet Image")
KKR विरुद्ध SRH लाइव्ह अपडेट्स: प्ले-ऑफच्या शर्यतीतून हे दोन्ही संघ आधीच बाहेर पडले होते. त्यामुळे केवळ औपचारिकता म्हणून हा सामना झाला. तरीही त्यात एकमेकांवरील खुन्नस दिसून आली.
नवी दिल्ली : प्ले-ऑफच्या शर्यतीतून हे दोन्ही संघ आधीच बाहेर पडले होते. (srh विरुद्ध kkr २०२५). त्यामुळे हा सामना केवळ औपचारिकता म्हणून झाल. KKR आणि हैदराबाद दोघांनाही विजयासह हंगाम संपवायचा होता. पण शेवटी KKRला ते जमले नाही. सनरायझर्सने विजय मिळवला (kkr विरुद्ध srh).
रविवारी संध्याकाळी दिल्लीतील अरुण जेटली क्रिकेट स्टेडियमवर कोलकाता नाईट रायडर्स आणि सनरायझर्स हैदराबाद (Kolkata Knight Riders vs Sunrisers Hyderabad) यांच्यात सामना झाला.
Related Articles
सनरायझर्स हैदराबादने ११० धावांनी विजय मिळवला
नाणेफेक जिंकून सनरायझर्स हैदराबादने फलंदाजी करण्याचा निर्णय घेतला. आणि सुरुवातीपासूनच हैदराबादचे फलंदाज आक्रमक खेळत होते. संघाचा सलामीवीर अभिषेक शर्माने ३२ धावा केल्या आणि ट्रॅव्हिस हेडने ४० चेंडूत ७६ धावांची तुफानी खेळी केली. पण या दिवशी सर्वांना मागे टाकले ते हेनरिक क्लासेनने. त्याने अक्षरशः धुमाकूळ घातला. ३९ चेंडूत १०५ धावांची अफलातून खेळी केली आणि शेवटपर्यंत नाबाद राहिला (sunrisers hyderabad vs kolkata knight riders).
त्याचबरोबर, ईशान किशनने २९ धावा आणि अनिकेत वर्माने १२ धावा केल्या. शेवटी, सनरायझर्स हैदराबादने २० षटकांत ३ गडी गमावून २७८ धावा केल्या. निःसंशयपणे हा एक मोठा स्कोअर होता. कोलकाताने या सामन्यात अक्षरशः खराब गोलंदाजी केली. अ‍ॅनरिक नॉर्टजेने सर्वाधिक चार षटकांत ६० धावा दिल्या. KKRकडून सुनील नारायणने २ बळी घेतले आणि वैभव अरोराने १ बळी घेतला (sunrisers hyderabad vs kolkata knight riders match).
कोलकाता संकटात
आधीच मोठ्या धावसंख्येचा डोंगर, त्यात नाईट्सची फलंदाजी कोसळली. सलामीवीर क्विंटन डी कॉक केवळ ९ धावांवर बाद झाला. नारायणने ३१ धावा, कर्णधार राहणेने १५ आणि अंगकृश रघुवंशीने १४ धावा केल्या.
रिंकू सिंगने ९ धावा केल्या आणि आंद्रे रसेल रिकाम्या हाताने माघारी परतला. दुसरीकडे, मनीष पांडेने ३७ धावा, रमनदीप सिंगने १३ धावा आणि हर्षित राणाने ३४ धावा केल्या. शेवटी, नाईट्सची डाव १८.४ षटकांत १६८ धावांवर संपला.
सनरायझर्स हैदराबाद ११० धावांनी विजयी झाला आणि सामनावीर हेनरिक क्लासेन.
