मुंबईत सोन्याचा दर प्रति तोळा १ लाख १६ हजारांच्या घरात, या कारणामुळे झाली वाढ

आज सोमवारी सोन्याने १ लाख रुपयांचा ऐतिहासिक टक्का गाठला आहे. एक तोळा सोने आणि त्यावरील जीएसटीची रक्कम गृहित धरली तर मुंबईत सोने १ लाख १६ हजार रुपयांवर गेले आहे.

सोन्याचे दर वाढले

Image Credit: ANI

मुंबई ः अमेरिकेने चीनवर अव्वाच्या सव्वा टॅरीफ लावल्याने दोन्ही देशांमध्ये व्यापार युद्ध सुरु झाले आहे. त्याचा परिणाम आता दिसायला सुरवात झाली आहे. 

आज सोमवारी सोन्याने १ लाख रुपयांचा ऐतिहासिक टक्का गाठला आहे. एक तोळा सोने आणि त्यावरील जीएसटीची रक्कम गृहित धरली तर मुंबईत सोने १ लाख १६ हजार रुपयांवर गेले आहे.

पुण्यात सोन्याचा दर जीएसटी धरुन प्रति तोळा सुमारे ९९ हजार १०० रुपयांवर गेला आहे. तर कोल्हापुरात तो ९९ हजार ६०० रुपयांवर गेला आहे. छ. संभाजीनगरातही ही भाववाढ दिसून येत आहे. 

सोन्याचा दर ९९ हजार ५०० वर गेला आहे. जळगावात सोन्याचा दर ९९ हजार ६०० दिसून येत आहे. तर सोलापुरात ९६ हजार ७०० रुपयांवर पोहोचला आहे.

अमेरिकेने इतर देशांवर टॅरिफ लावल्याने सोन्याच्या दरात वाढ झाल्याचे सांगितले जात आहे. सध्या या टॅरिफला तीन महिन्यांची मुदतवाढ देण्यात आली आहे. तरीही भाववाढ होत असल्याचे दिसून येत आहे. दरम्यान, टॅरीफ प्रत्यक्ष अंमलात आल्यावर आणखी भाववाढ होण्याची शक्यता आहे.

----------------------------