Follow Us;Resize=(820,462) "car parking")
बोरीवलीतील एका इमारतीत पार्किंग लिफ्ट कोसळून ३० वर्षीय तरुणाचा मृत्यू झाला. लिफ्ट सुमारे ७ मीटर खोल खड्ड्यात कोसळली. या घटनेमुळे इमारतींमधील लिफ्टच्या सुरक्षेवर प्रश्नचिन्ह निर्माण झाले आहे.
मुंबई | प्रतिनिधी मुंबईतील बोरीवली परिसरात एका उच्चभूत इमारतीत भीषण दुर्घटना घडली. पार्किंगसाठी वापरली जाणारी लिफ्ट तांत्रिक बिघाडामुळे थेट ७ मीटर खोल खड्ड्यात कोसळली आणि त्या दुर्घटनेत ३० वर्षीय शुभम धुरी याचा दुर्दैवी मृत्यू झाला. शहरात मोठ्या संख्येने वापरल्या जाणाऱ्या अशा यांत्रिक सुविधांच्या सुरक्षेवर आता प्रश्नचिन्ह निर्माण झालं आहे.
बोरीवलीतील ‘रामकृष्ण टॉवर’ नावाच्या इमारतीत सकाळच्या सुमारास ही घटना घडली. लिफ्टमध्ये असताना शुभम कारसोबत पार्किंग लिफ्टवर होता. अचानक लिफ्टचा तळभाग खचला आणि संपूर्ण यंत्रणा थेट जमिनीत असलेल्या सुमारे २० फूट खोल खड्ड्यात कोसळली. मोठ्या आवाजानं संपूर्ण परिसर हादरला.
वाचवण्याचे प्रयत्न अपयशी दुर्घटनेनंतर तात्काळ बचावकार्य सुरू करण्यात आलं. अग्निशमन दल आणि पोलिसांनी एकत्रितपणे प्रयत्न करत शुभमला बाहेर काढलं, मात्र तोपर्यंत फार उशीर झाला होता. डॉक्टरांनी रुग्णालयात दाखल केल्यानंतर त्याला मृत घोषित केलं.
Related Articles
अशा लिफ्ट्स आता अनेक उच्चभूत इमारतींमध्ये सामान्य झाल्या आहेत. मात्र, त्यांची नियमित तपासणी, देखभाल आणि सुरक्षा यंत्रणा किती सक्षम आहेत, यावर संशय व्यक्त केला जातोय. स्थानिक नागरिकांनीही प्रशासन आणि सोसायटीवर निष्काळजीपणाचा आरोप केला आहे.
या प्रकरणी बोरीवली पोलिसांनी आकस्मिक मृत्यूची नोंद केली असून, लिफ्टच्या देखभालीसाठी जबाबदार असलेल्या कंपनीची माहिती घेण्याचे काम सुरू आहे. ‘शुभमच्या मृत्यूला कोण जबाबदार?’ हा प्रश्न उपस्थित होत असून, लवकरच दोषीवर कारवाई होण्याची मागणी जोर धरते आहे.
