Follow Us;Resize=(820,462) "lase light")
पुणे पोलिसांनी हवाई सुरक्षेच्या कारणास्तव दोन महिन्यांसाठी बीम लाइट्स, लेझर लाइट्स आणि तत्सम प्रकाश यंत्रणांवर बंदी घातली आहे. लग्न समारंभ आणि इतर कार्यक्रमांमध्ये या लाइट्सचा वापर विमानांच्या पायलट्ससाठी धोकादायक ठरू शकतो.
पुणे – आकाशात फिरणाऱ्या तेजस्वी बीम लाइट्स केवळ डोळ्यांसाठी त्रासदायक नसतात, तर हवाई सुरक्षेलाही गंभीर धोका निर्माण करतात. याच पार्श्वभूमीवर पुणे पोलिसांनी दोन महिन्यांसाठी बीम लाइट, लेझर लाइट व अशा प्रकारच्या प्रकाश यंत्रणांवर बंदी घातली आहे. हा निर्णय केवळ सौंदर्यदृष्टीने नव्हे, तर विमान वाहतुकीच्या सुरक्षिततेसाठी महत्त्वाचा ठरणार आहे.
लग्न समारंभ, कार्यक्रम, जाहिरातबाजी यामध्ये मोठ्या प्रमाणावर आकाशात झगमगणाऱ्या बीम लाइट्सचा वापर होत असतो. मात्र, अशा प्रकाशाचे प्रतिबिंब हवेत उडणाऱ्या विमानांच्या पायलटच्या दृष्टीवर परिणाम करू शकते, असे अनेक वेळा निदर्शनास आले आहे. या पार्श्वभूमीवर शहरात हवाई वाहतूक सुरळीत राहावी यासाठी पोलिसांनी हा निर्णय घेतला.
पुणे पोलिसांनी आपल्या आदेशात स्पष्ट केलं आहे की, कोणताही आयोजक, व्यापारी किंवा कार्यक्रम व्यवस्थापक सार्वजनिक किंवा खाजगी ठिकाणी बीम/लेझर लाईटचा वापर करू शकणार नाही. या आदेशाचे उल्लंघन केल्यास कायदेशीर कारवाई केली जाईल, असा इशाराही देण्यात आला आहे.
