नाशिकचा सुपुत्र इंग्लंडमध्ये झाला महापौर, सुधाकर अचवल यांची 'मेयर मेकिंग' समारंभात निवड

नाशिकचे सुपुत्र सुधाकर अचवल यांनी इंग्लंडच्या विंचेस्टर शहराचे 826 वे महापौर म्हणून पदभार स्वीकारला आहे. 1997 मध्ये विंचेस्टर येथे स्थायिक झाल्यानंतर विविध सामाजिक आणि धर्मादाय उपक्रमांमध्ये सक्रिय सहभाग घेतला.

Image Credit: social media

नाशिकचे सुपुत्र सुधाकर अचवल यांनी इंग्लंडच्या विंचेस्टर शहराचे 826 वे महापौर म्हणून पदभार स्वीकारला आहे. 14 मे 2025 रोजी गिल्डहॉल, विंचेस्टर येथे पार पडलेल्या 'मेयर मेकिंग' समारंभात त्यांची निवड झाली .

सुधाकर अचवल यांचे शिक्षण नाशिकच्या पेठे विद्यालयात झाले. आर. वाय. के. महाविद्यालयातून पदवी घेतल्यानंतर त्यांनी मुंबईत पदव्युत्तर शिक्षण पूर्ण केले. 1974 मध्ये त्यांनी युनायटेड किंगडममध्ये केमिकल इंजिनिअरिंगमध्ये पीएच.डी. करण्यासाठी प्रवेश घेतला आणि 1977 मध्ये डॉक्टरेट पूर्ण केली .

1997 मध्ये विंचेस्टर येथे स्थायिक झाल्यानंतर, अचवल यांनी विविध सामाजिक आणि धर्मादाय उपक्रमांमध्ये सक्रिय सहभाग घेतला. त्यांनी व्हाईटली पॅरिश कौन्सिलमध्ये नगरसेवक म्हणून सेवा दिली आणि विंचेस्टर सिटी कौन्सिलमध्ये व्हाईटली आणि शेडफिल्ड वॉर्डचे प्रतिनिधित्व केले .

महापौर म्हणून, अचवल यांनी 'ट्रिनिटी विंचेस्टर', 'होम-स्टार्ट विंचेस्टर' आणि 'विनॅक' या तीन संस्थांना त्यांच्या वार्षिक धर्मादाय उपक्रमांसाठी निवडले आहे . त्यांनी पर्यावरण संवर्धनासाठी निधी संकलनाच्या उपक्रमांची योजना आखली आहे. सुधाकर अचवल यांचे विवाह 1980 मध्ये व्हिव्हियन यांच्याशी झाले. त्यांची मुलगी अपूर्वा-अॅमी आणि जावई कॅलम कँटरबरी येथे राहतात. त्यांना एक नातू आहे.