Follow Us;Resize=(820,462) "rohit sharma devendra fadnavis")
निवृत्तीच्या आठवड्यानंतर रोहितने महाराष्ट्राचे मुख्यमंत्री देवेंद्र फडणवीस यांची ‘वर्षा’ निवासस्थानी भेट घेतली.
मुंबई - भारतीय क्रिकेटमधील एक तेजस्वी अध्याय मागे पडला आहे. कसोटी क्रिकेटमध्ये भारताचं प्रतिनिधित्व करणाऱ्या फलंदाज रोहित शर्मा यांनी मागील आठवड्यात कसोटी क्रिकेटमधून निवृत्तीची घोषणा करत आपल्या एका यशस्वी प्रवासाचा समारोप केला. रोहितने आपल्या सोशल मीडिया पोस्टमधून ही घोषणा करत क्रिकेटप्रेमींना भावनिक आठवणींमध्ये नेलं.
कसोटी आकडेवारीत रोहित शर्मा
रोहितने आपल्या कसोटी कारकिर्दीत 68 कसोटी सामन्यांत 4301 धावा केल्या. त्याचा सरासरी 40.57 इतका होता. त्याने एकूण 12 शतकं आणि 18 अर्धशतकं ठोकली – विशेष म्हणजे त्याची सर्व शतकं भारताने जिंकलेल्या सामन्यांमध्ये आली आहेत, जे त्याच्या योगदानाचे महत्त्व अधोरेखित करतं.
अडथळ्यांतून यशापर्यंतचा प्रवास
रोहितची कसोटी कारकिर्द सुरुवातीपासूनच गती घेत नव्हती. फेब्रुवारी 2010 मध्ये कसोटीत पदार्पणाची संधी मिळाली होती, पण दुखापतीमुळे (अँकली गाठून घेतली) तो खेळू शकला नाही. त्यानंतर तीन वर्षांची वाट पाहून नोव्हेंबर 2013 मध्ये कोलकातामध्ये पदार्पण करताना 177 धावांची दणदणीत खेळी करत कसोटीत आपली छाप टाकली.
Related Articles
मात्र, पुढील काही वर्षं मधल्या फळीत सातत्य राखण्यात अपयश आलं. चकाकी होती, पण स्थैर्य नव्हतं. हे चित्र बदललं ऑक्टोबर 2019 मध्ये जेव्हा त्याला सलामीला पाठवण्यात आलं. आणि त्याने संधीचं सोनं करत दक्षिण आफ्रिकेविरुद्धच्या मालिकेत एक द्विशतक आणि दोन शतकं ठोकून सलामीवीर म्हणून स्थान पक्कं केलं.
मुख्यमंत्री देवेंद्र फडणवीस यांची भेट
निवृत्तीच्या आठवड्यानंतर रोहितने महाराष्ट्राचे मुख्यमंत्री देवेंद्र फडणवीस यांची ‘वर्षा’ निवासस्थानी भेट घेतली. या भेटीचे फोटो खुद्द मुख्यमंत्र्यांनी सोशल मीडियावर शेअर करत लिहिलं, "भारतीय क्रिकेटपटू रोहित शर्माची भेट घेऊन संवाद साधणे अत्यंत आनंददायक होते. कसोटी क्रिकेटमधून निवृत्ती घेतल्याबद्दल त्याला पुढील वाटचालीसाठी शुभेच्छा!"
एक युग संपलं... दुसरं सुरू
रोहितने आपल्या इंस्टाग्राम पोस्टमध्ये लिहिलं, "Hello everyone I would just like to share that I am retiring from Test cricket. It’s been an absolute honour to represent my country in whites..." त्याने याआधी 2023 साली टी-20 क्रिकेटमधून निवृत्ती घेतली होती, आणि भारताला त्या फॉरमॅटमध्ये जागतिक विजेतेपद मिळवून दिलं होतं. आता रोहित केवळ वनडे क्रिकेटसाठी उपलब्ध राहील.
