मुंबई पुणे एक्सप्रेसवेवर भीषण अपघात, दोन महिलांचा जागीच मृत्यू

खोपोलीजवळ सात वाहनांच्या साखळी अपघातात दोन महिलांचा दुर्दैवी मृत्यू झाला. वाहनांची गर्दी, पावसामुळे ओलसर रस्ते आणि काही क्षणांची गडबड यामुळे हा अपघात झाला. पुन्हा एकदा वाहनचालकांना सावध राहण्याची गरज निर्माण झाली आहे.

Image Credit: social media

रायगड - गतीचा सुळसुळाट आणि निष्काळजीपणाचा शाप—हीच मुंबई-पुणे एक्स्प्रेसवेची नवी ओळख बनत चालली आहे. रविवारी सकाळी खोपोलीजवळील शेडुंगे गावाच्या हद्दीत भीषण साखळी अपघात घडला. या दुर्घटनेत दोन महिलांचा दुर्दैवी मृत्यू झाला असून सात वाहने एकमेकांवर आदळल्याने परिसरात भीतीचे वातावरण निर्माण झाले.

वाहनांची गर्दी, पावसामुळे ओलसर रस्ते आणि काही क्षणांची गडबड... एवढंच पुरेसं ठरतं एका कुटुंबासाठी काळरात्र ठरण्यासाठी. एक कार नियंत्रणाबाहेर गेल्यानंतर मागून येणारी वाहनं थांबू न शकल्यामुळे, सात वाहनांची साखळी दुर्घटना घडली.

घटनास्थळी अपघाताचा आवाज होताच स्थानिक नागरिक, हायवे पोलिस आणि बचावपथक धावून आले. जखमींना तातडीने रुग्णालयात हलवण्यात आलं. पण दोन महिलांना वाचवता आलं नाही. त

मुंबई-पुणे एक्स्प्रेसवेवर दर आठवड्याला अपघाताच्या बातम्या येत आहेत. वेगमर्यादा उल्लंघन, ओव्हरटेकिंग, रस्त्यावरील पावसाचे पाणी आणि निष्काळजी वाहनचालक हे घटक वारंवार या अपघातांना कारणीभूत ठरत आहेत.

या घटनेनंतर पुन्हा एकदा वाहनचालकांना सावध करण्याची गरज निर्माण झाली आहे. "गाडीचा वेग काही क्षणात आयुष्य बदलू शकतो," हे वास्तव लक्षात घेऊन प्रत्येक प्रवाशाने सुरक्षित वाहतुकीची जबाबदारी स्वीकारणं आवश्यक आहे.