पपईचे फायदे आणि तोटे: कोणत्या वेळी खावे आणि कोणत्या वेळी नाही?

पपईमध्ये अँटी-ऑक्सिडंट्स आणि पौष्टिक घटक असतात जे पचन सुधारतात आणि वजन कमी करण्यास मदत करतात. रिकाम्या पोटी पपई खाणे आरोग्यासाठी फायदेशीर आहे, परंतु गर्भवती महिला, हृदयरोगी आणि लेटेक्स अ‍ॅलर्जी असलेल्यांनी ते टाळावे.

पपईचे आरोग्यदायी फायदे : पपईमध्ये अँटी-ऑक्सिडंट्स मुबलक प्रमाणात असतात, जे शरीरातील जळजळ कमी करण्यास आणि पोषण देण्यास मदत करतात. त्याचे पौष्टिक घटक पचन सुधारतात, बद्धकोष्ठता आणि हायपरअ‍ॅसिडिटी कमी करतात. अँटी-ऑक्सिडंट्समुळे शरीरातील सूज देखील कमी होते. कमी कॅलरीमुळे वजन कमी करण्यासही पपई मदत करते. पण पपई खाण्याची योग्य वेळ तुम्हाला माहीत आहे का?

पपई खाण्याची योग्य वेळ

रिकाम्या पोटी, विशेषतः सकाळी पपई खाण्याचा सल्ला दिला जातो. यामुळे शरीर नैसर्गिकरित्या डिटॉक्स होते. रिकाम्या पोटी पपई खाल्ल्याने रक्तातील साखरेची पातळी नियंत्रणात राहते, चेहऱ्यावर नैसर्गिक चमक येते आणि मुरुमे कमी होतात. पपईतील पोषक वृद्धत्वाची लक्षणेही कमी करतात.

पपईचे सेवन कोणी करू नये?

गर्भवती महिला : पपईतील लेटेक्स घटकामुळे गर्भवती महिलांनी पपई खाऊ नये. यामुळे रक्तस्राव आणि अकाली प्रसूतीचा धोका वाढू शकतो.

हृदयविकाराचे रुग्ण : अनियमित हृदयाचे ठोके असलेल्यांनीही काळजी घ्यावी. पपईतील सायनोजेनिक ग्लायकोसाइड्स पचनक्रिये दरम्यान हायड्रोजन सायनाइड तयार करू शकतात.

लेटेक्स अ‍ॅलर्जी : लेटेक्स अ‍ॅलर्जी असलेल्यांनी पपई टाळावी कारण त्यामुळे समस्या वाढू शकते.

कमी रक्तदाबाची समस्या असणारे रुग्ण : कमी रक्तशर्करा किंवा हायपोग्लायसेमिया असलेल्यांनी पपई कमी प्रमाणात खावी कारण ते रक्तातील साखर कमी करते.