फिटनेस टिप्स: जास्त व्यायामाचे दुष्परिणाम माहिती करून घ्या

फिटनेस टिप्स: बदलत्या जीवनशैलीमुळे वजनवाढ आणि लठ्ठपणाच्या समस्या वाढल्या आहेत. वजन कमी करण्यासाठी अनेक उपाय केले जातात, पण तरीही वजन कमी होत नसेल तर तुम्ही अतिरिक्त व्यायाम करता का? जाणून घेऊया याबद्दल सविस्तर...

जास्त व्यायामाचा धोका: लॉकडाऊन आणि वर्क फ्रॉम होम संस्कृतीमुळे अनेकांचे वजन वाढले. आजही वजन कमी करण्यासाठी लोक वेगवेगळे उपाय करतात. वजन वाढण्याची अनेक कारणे असू शकतात. पण वजन कमी करण्यासाठी व्यायाम करताना काही गोष्टी लक्षात ठेवल्या पाहिजेत. फिटनेससाठी अति व्यायाम करता का?

फिटनेससाठी निरोगी आहारासोबत नियमित व्यायाम आवश्यक आहे. पण विचार न करता व्यायाम केल्यास आरोग्याचे नुकसान होऊ शकते. जास्त व्यायामाचे आरोग्यावर काय परिणाम होतात ते जाणून घेऊया.

हृदयविकाराचा झटका
ज्यांनी नव्याने व्यायाम सुरू केला आहे त्यांच्यासाठी जास्त व्यायाम धोकादायक आहे. कोणालाही न विचारता स्वतःहून व्यायाम सुरू करू नका. हृदयावर ताण पडल्यास हृदयविकाराचा झटका येऊ शकतो.

पाठीच्या मणक्याचा त्रास
जिममध्ये वेट ट्रेनिंग करताना जड वजन उचलताना पाठीचे पोश्चर योग्य नसल्यास पाठीच्या मणक्याला दुखापत होऊ शकते. याला प्रोलॅप्सड इंटरव्हर्टेब्रल डिस्क म्हणतात. जास्त व्यायामामुळेही पाठीच्या मणक्यावर ताण येऊन त्रास होऊ शकतो.

मेंदूत रक्तस्त्राव (ब्रेन हॅमरेज)
लठ्ठ असलेले लोक लवकर वजन कमी करण्यासाठी जास्त व्यायाम करतात. पण हे आरोग्यासाठी धोकादायक ठरू शकते. स्नायूंवर अतिरिक्त ताण आल्यास विविध आरोग्य समस्या उद्भवू शकतात. जास्त व्यायामामुळे मेंदूत रक्तस्त्राव होऊ शकतो. यात मेंदूच्या रक्तवाहिन्या फुटतात आणि मेंदूभोवती रक्त जमा होते.

क्षमतेनुसार व्यायाम करा
काही लोक एक तासाऐवजी चार तास व्यायाम केल्यास अधिक फायदा होईल असा विचार करतात. पण हा विचार चुकीचा आहे. याला यू-कर्व्ह ऑफ एक्सरसाइज म्हणतात. मर्यादित वेळेपर्यंत व्यायाम फायदेशीर असतो, पण जास्त व्यायाम केल्यास आरोग्याचे नुकसान होते.

जिम प्रशिक्षकाची मदत घ्या
फिटनेससाठी व्यायाम फायदेशीर असतो. पण कठीण किंवा नवीन व्यायाम करताना जिम प्रशिक्षकाची मदत घ्या. प्रत्येक व्यायामानंतर काही मिनिटांचा ब्रेक घ्या. जेणेकरून हृदयावर ताण येणार नाही.