विराटची बॅट किंमत किती? ऑस्ट्रेलियात कोहली क्रेझ!

15

IND vs AUS - virat kohli : बोर्डर-गावसकर ट्रॉफीमध्ये पाच सामन्यांच्या कसोटी मालिकेत ऑस्ट्रेलियाशी सामना करण्यासाठी भारतने सर्व रणनीती आखल्या आहेत. बोर्डर-गावसकर ट्रॉफीमध्ये सलग पाचवी मालिका जिंकण्याचे उद्दिष्ट भारताचे आहे. त्याचवेळी, दशकानंतर ट्रॉफी पुन्हा मिळवण्याचा ऑस्ट्रेलियाचा प्रयत्न आहे.

बोर्डर गावसकर मालिका अद्याप सुरू झालेली नाही, पण ऑस्ट्रेलियामध्ये स्टार भारतीय फलंदाज विराट कोहलीचा क्रेझ सुरू झाला आहे. कोहलीच नाही तर त्याच्या बॅटचा क्रेझही चाहत्यांना भुरळ घालत आहे.

25

२२ नोव्हेंबर रोजी पर्थमध्ये भारत आणि ऑस्ट्रेलिया यांच्यातील पहिल्या कसोटी सामन्याने बोर्डर गावसकर ट्रॉफी मालिकेला सुरुवात होणार आहे. ऑस्ट्रेलियाविरुद्ध उत्कृष्ट फलंदाजी विक्रम असलेल्या भारतीय स्टार फलंदाज विराट कोहलीकडे सर्वांचे लक्ष लागले आहे. सध्या विराट कोहलीची बॅट ऑस्ट्रेलियन बाजारपेठेत धुमाकूळ घालत आहे. तिची किंमत ऐकून तुम्हाला धक्का बसेल.

35

ऑस्ट्रेलियात विराट कोहलीच्या बॅटची किंमत किती?

ऑस्ट्रेलियन पॉडकास्टर, YouTuber नॉर्मन कोचानेक यांनी अलीकडेच एका व्हिडिओमध्ये विराट कोहलीच्या बॅटचा क्रेझ दाखवला आहे. त्यात कोहली वापरत असलेल्या MRF जीनियस ग्रँड किंग बॅटची प्रीमियम किंमत दाखवण्यात आली आहे. ही बॅट ग्रेग चॅपेल क्रिकेट सेंटरमध्ये २९८५ ऑस्ट्रेलियन डॉलर्सना विकली जात आहे. भारतीय चलनात ही किंमत सुमारे १.६४ लाख रुपये आहे. 

विराट कोहलीच्या स्वाक्षरी असलेल्या स्टिकर्ससह ही बॅट क्रिकेट चाहत्यांना आकर्षित करत आहे. या बॅटसोबत विराट कोहलीच्या स्टिकर्स असलेली एक सुपर बॅगही मिळते असे ऑस्ट्रेलियन पॉडकास्टरने सांगितले. याशिवाय, विराटचा क्रेझ किती आहे हे सांगण्यासाठी आणखी एक उदाहरण म्हणजे बोर्डर गावसकर ट्रॉफीपूर्वी ऑस्ट्रेलियातील अनेक मासिकांनी त्यांच्या पहिल्या पानावर कोहलीचा फोटो असलेल्या विशेष कथा प्रकाशित केल्या आहेत. 

45

विराट कोहलीकडून चांगली कामगिरी होईल का? 

गेल्या काही सामन्यांमध्ये विराट कोहली मोठी खेळी करण्यात अपयशी ठालत आहे. आधी बांगलादेशविरुद्ध आणि नंतर न्यूझीलंडविरुद्ध अपयशी ठालल्यानंतर ऑस्ट्रेलिया कसोटी मालिकेत विराट कोहलीकडून चांगली कामगिरीची अपेक्षा भारतीय क्रिकेट संघ आणि चाहते करत आहेत. गेल्या पाच कसोटी सामन्यांमध्ये विराट एकही मोठी खेळी करू शकला नाही. अशा परिस्थितीत पर्थ कसोटीतून तो पुन्हा फॉर्ममध्ये येईल अशी अपेक्षा आहे. कारण ऑस्ट्रेलियातील विराट कोहलीचे आंकेडे उत्कृष्ट आहेत.

55

ऑस्ट्रेलियातील कोहलीची उत्कृष्ट कामगिरी

विराट कोहलीने २०११ पासून ऑस्ट्रेलियात १३ कसोटी सामने खेळले आहेत. या काळात किंग कोहलीने सहा शतके आणि चार अर्धशतकांच्या मदतीने ५४.०८ च्या सरासरीने १३५२ धावा केल्या आहेत. यात १६९ धावा त्याची सर्वोच्च खेळी आहे. कोहली पाचव्यांदा ऑस्ट्रेलिया दौऱ्यावर आहे.

त्याची सर्वोत्तम कामगिरी २०१४-१५ मालिकेत होती. यात त्याने चार कसोटींमध्ये ८६.५० च्या सरासरीने चार शतके आणि एक अर्धशतकसह ६९२ धावा केल्या. २०२४ च्या कसोटी क्रिकेटमध्ये कोहलीने २२.७२ च्या सरासरीने सहा सामन्यांमध्ये केवळ २५० धावा केल्या आहेत. यात ७० धावा त्याची सर्वोच्च खेळी आहे.