सार

देशभर मातृदिन साजरा केला जातो आहे. यातच भाजपाच्या अधिकृत सोशल मीडिया खात्यावरून पंतप्रधान नरेंद्र मोदी आणि त्यांच्या आईच्या नात्याला उजाळा देण्यात आला आहे. त्याचबरोबर ही भारतभूमीही त्यांची आईच आहे असंही या व्हीडिओत सांगण्यात आले आहे. 

देशभर मातृदिन साजरा केला जातो आहे. यातच भाजपाच्या अधिकृत सोशल मीडिया खात्यावरून पंतप्रधान नरेंद्र मोदी आणि त्यांच्या आईच्या नात्याला उजाळा देण्यात आला आहे. त्याचबरोबर ही भारतभूमीही त्यांची आईच आहे असंही या व्हीडिओच्या माध्यमातून सांगण्याचा प्रयत्न करण्यात आला आहे. आपल्या आईविषयी असलेलं प्रेम सादर करण्याचा मातृदिन हा दिवस. आईप्रती असलेली माया, विश्वास दाखवण्याकरता आज सगळेच तिच्याविषयी पोस्ट करत आहेत. देशाचे पंतप्रधान नरेंद्र मोदी हेही आपल्या आईची सेवा करत असत. गेल्यावर्षी त्यांच्या आईचं निधन झालं. परंतु, तरीही त्यांच्या आईची छबी त्यांच्या हृदयातून अद्याप गेलेली नाही. “एक मां ने मुझे जन्म दिया, हजारों ने मुझे जनसेवक से प्रधानसेवक बनाया, मैंने मां की सेवा में अपना तन-मन और जीवन अर्पण किया…”, असं भाजपाने पोस्टमध्ये म्हटलंय. तसंच, एक व्हीडिओही पोस्ट केलाय. या व्हिडिओमध्ये नरेंद्र मोदी आणि त्यांच्या आईंनी एकत्र घालवलेले क्षणचित्र देण्यात आले आहेत.

 

Scroll to load tweet…

 

पंतप्रधान नरेंद्र मोदी यांच्या मातोश्री हिराबेन मोदी यांचे ३० डिसेंबर २०२२ ला वयाच्या ९९ व्या वर्षी निधन झाले. पंतप्रधान नरेंद्र मोदी त्यांच्या आयुष्यातील प्रत्येक खासप्रसंगी आईचे आशीर्वाद घेण्यास जात असत. त्यांच्या भेटीचे अनेक फोटोही सोशल मीडियावर येत असत. आईवरील प्रेम व्यक्त करताना त्यांनी या भारतभूमीविषयी असलेलं प्रेमही व्यक्त केले आहे.