NEET UG Result 2025 : महेश कुमार पहिला, येथे लिंकवर क्लिक करुन जाणून घ्या निकाल, महाराष्ट्रातून कोणते विद्यार्थी झळकले

NEET UG 2025 चे निकाल जाहीर झाले आहेत. राजस्थानमधील हनुमानगडचे महेश कुमार यांनी ऑल इंडिया रँक १ मिळवली आहे. कोटातील तीन विद्यार्थ्यांनीही टॉप १० मध्ये स्थान मिळवले आहे. NEET मध्ये राजस्थानचा दबदबा पुन्हा एकदा दिसून आला आहे.

Image Credit: Our own

NEET UG Result 2025 Out  

नवी दिल्ली : देशातील वैद्यकीय विद्यार्थ्यांसाठी मोठी बातमी आहे. NEET UG 2025 चा निकाल राष्ट्रीय चाचणी एजन्सी (NTA) ने अधिकृतपणे जाहीर केला आहे. यावेळी हनुमानगड (राजस्थान) चे महेश कुमार यांनी शानदार कामगिरी करत ऑल इंडिया रँक १ मिळवली आहे. विशेष म्हणजे कोटा येथे तयारी करणाऱ्या आणखी तीन विद्यार्थ्यांचाही टॉप-१० मध्ये समावेश झाला आहे, ज्यामुळे राजस्थानच्या कोचिंग इंडस्ट्रीचा दबदबा पुन्हा एकदा दिसून आला. महेश कुमार यांनी त्यांच्या कठोर परिश्रम आणि संतुलित रणनीतीने हे यश मिळवले आहे. ते सीकरच्या एका प्रतिष्ठित संस्थेतून तयारी करत होते. महेश यांनी सांगितले की नियमित अभ्यास, NCERT पुस्तकांचा सखोल अभ्यास आणि मॉक टेस्टच्या मदतीने त्यांना हे यश मिळाले.

NEET UG निकालात कोटाचे मृणालही अव्वल

कोटा येथे शिकणारे मृणाल किशोर झा (दिल्ली) यांना ऑल इंडिया रँक ४, केशव मित्तल (चंदीगड) यांना ७ वी आणि भव्य झा (अहमदाबाद) यांना ८ वी रँक मिळाली आहे. यावरून स्पष्ट होते की कोटा अजूनही वैद्यकीय तयारीचे मुख्य केंद्र आहे.

NEET मध्ये २२ लाख विद्यार्थ्यांनी केली नोंदणी

यावेळी २२.७६ लाख विद्यार्थ्यांनी परीक्षेसाठी नोंदणी केली होती, परंतु सुमारे १.९६ लाख विद्यार्थ्यांनी परीक्षेत भाग घेतला नाही. परीक्षा ४ मे २०२५ रोजी देशभरातील ५४५३ केंद्रांवर आयोजित करण्यात आली होती. उपस्थित विद्यार्थ्यांची टक्केवारी सुमारे ९१.५% होती, जी २०२१ नंतर सर्वात कमी आहे.

NEET UG Result 2025 निकाल कसा तपासायचा?

 अधिकृत वेबसाइट neet.nta.nic.in ला भेट द्या ‘NEET UG 2025 निकाल’ लिंकवर क्लिक करा अर्ज क्रमांक, जन्मतारीख आणि सुरक्षा कोड भरा निकाल स्क्रीनवर दिसेल, तो डाउनलोड करा

NEET निकालानंतर आता पुढे काय? 

 समुपदेशन प्रक्रिया निकाल जाहीर झाल्यानंतर वैद्यकीय समुपदेशन समिती (MCC) लवकरच ऑल इंडिया कोटाच्या समुपदेशनाचे वेळापत्रक जाहीर करेल. समुपदेशन चार टप्प्यांत होते - फेरी १, फेरी २, मॉप-अप फेरी आणि स्ट्रे व्हॅकन्सी फेरी. पात्र विद्यार्थी रँकनुसार नोंदणी करून MBBS/BDS जागांसाठी अर्ज करू शकतील.

राष्ट्रीय पात्रता आणि प्रवेश परीक्षा (NEET-UG) 2025 चे निकाल जाहीर झाले असून यंदाच्या परीक्षेत राजस्थानचे महेश कुमार यांनी देशभरात अव्वल स्थान पटकावले आहे. त्यांनी 99.9999547 पर्सेंटाइलसह ऑल इंडिया रँक 1 (AIR 1) मिळवली आहे. यंदा NEET UG मध्ये एकूण 22.76 लाख विद्यार्थ्यांनी नोंदणी केली होती, ज्यामध्ये 12.36 लाख विद्यार्थ्यांनी पात्रता प्राप्त केली आहे.

NEET UG 2025 टॉप 10 टॉपर्स – ऑल इंडिया रँक होल्डर्स

1️⃣ महेश कुमार

2️⃣ उत्कर्ष अवधिया

3️⃣ कृशांग जोशी

4️⃣ मृणाल किशोर झा

5️⃣ अविका अग्रवाल (महिला टॉपर)

6️⃣ जेनिल विनोदभाई भायानी

7️⃣ केशव मित्तल

8️⃣ झा भावना चिराग

9️⃣ हर्ष केदावत

🔟 आरव अग्रवाल

महिला टॉपर्स – 

NEET UG 2025 महिला गुणवंत विद्यार्थिनी यंदाच्या NEET परीक्षेत मुलींनी देखील जबरदस्त कामगिरी केली आहे. दिल्लीच्या अविका अग्रवाल हिने ऑल इंडिया रँक 5 मिळवत महिला वर्गात पहिला क्रमांक पटकावला. खाली महिला टॉपर्सची यादी दिली आहे :

रँक 5 - अविका अग्रवाल (जनरल श्रेणी)

रँक 12 - आशी सिंह

रँक 26 - बढे सिद्धि मंजाबापू

रँक 29 - तनिषा

रँक 31 - ऊर्जा राजेश शाह

NEET UG 2025 – परीक्षेचा संक्षिप्त आढावा 

नोंदणी केलेले विद्यार्थी : 22,76,069

परीक्षेला हजर : 22,09,318

गैरहजर विद्यार्थी : 66,751

पात्र ठरलेले विद्यार्थी : 12,36,531

NEET UG 2025 निकाल कसा पाहावा? 

अधिकृत वेबसाइट neet.nta.nic.in ला भेट द्या.

NEET UG 2025 Result लिंकवर क्लिक करा.

आपला Application Number आणि Date of Birth टाका.

सबमिट केल्यानंतर स्क्रीनवर तुमचा स्कोअरकार्ड दिसेल.

निकाल डाउनलोड करून सुरक्षित ठेवा.